السلام عليكم ورحمة الله وبركاته ...
أصدقائي الأعزاء أهلا ومرحبا بكم
النهاردة هنتكلم عن حاجة جديدة خالص ...
السجاير والشيشة :)
تحب تشرب سجاير وللا شيشة ؟
وهل الشيشة أفضل عشان الدخان بيعدي على مياه الأول ؟
طب هل لو حطيت فلتر للسجارة يكون احسن ؟
يلا بينا نبدأ على بركة الله
فى البداية الموضوع بسيط جدا ... قاعد زهقان قرفان
تلاقى أحد أصدقاءك عازمك على قعدة محترمة كدة ع القهوة
بتنزل تقعد معاه معندكش حاجة تعملها وزهقان
يقوم صاحبك يمسي عليك بسيجارة
حضرتك : لا يا عم سجاير ايه فكك
فيعزمك على شيشة وتبدأ بشيشة كريز
بتعمل دماغ .. دخان جامد خفيف .. حاجة زى الفل
فكرة عمل الشيشة هى بس انك بتحط فيها تبغ ( طباق ) وعليه فحم مولع
بيسخن التبغ بيخرج منه دخان فيه نيكوتين يعدى على المياه زى ما هوة وسيادتك تشفطه
هل المياه لها لازمة ؟؟
لا ولا ليها اى لازمة اصلا ... عادى خالص ..
كمية قليلة من الكربون بتفضل فى المياه والباقى سيادتك تشفطه
طيب انتا بقيت سعيد بسبب النيكوتين :)
اه ... النيكوتين هوة اللى بيخليك سعيد
مع ان جسمك فى الأساس كان بيفرزها
بس انتا عودته انه بياخد نسبة أعلى من برة
اصبح الوضع العادى بتاعك محتاج نيكوتين
وهنا انتا اتحولت مدمن نيكوتين
تاخد بقى بأى صورة
إما سجاير .. أو شيشة
طيب أيهما أخطر ؟
الشيشة أخطر من السجاير
لأنك بتسحب كمية دخان رهيبة تعادل دخان 100 سيجارة
يعنى تبطل شيشة ؟
لا بطّل الاتنين يا غالى
مخاطر النيكوتين وباقى المواد التى تخرج نتيجة احتراق التبغ هي :
سرطان الحنجرة
فشل كلوى
تليف الكبد
التهابات بالفم
فقد حاسة التذوق
سرطان اللسان
تلف فى خلايا المخ
أمراض جلدية نتيجة استخدام اشخاص غيرك لنفس الشيشة
" طب كدة انا أجيب شيشة خاصة بيا ؟"
- لا يا حبيبي ما تشربش أصلا
لمزيد من التفاصيل يمكنك مشاهدة هذا الفيديو من إيجي كولوجي
تعليقات
إرسال تعليق