بسم الله ما شاء الله نزلت ويندوز جديد ( windows 7 )
وبعد ما نزلتها أكتشفت انها مش بتشغل أى حاجة
ولا صوت ولا فيديو ولا أى حاجة .... طب ليه ؟؟
أنا أقولك ...
ببساطة الويندوز هو نظام تشغيل رئيسي بيشغل الحاجات الأساسية
المفروض يشغل صوت وصورة ويدخل على الانترنت
لكن مايكروسوفت بتسيبلك الصفحة بيضاء وانت تضيف بقى كل اللى انت عايزه
على بركة الله نبدأ
جهازك محتاج حاجات أساسية .. أول حاجة انك تعرف الكروت اللى راكبة فى الجهاز
هتلاقى مع الماذربورد اسطوانة DVD عليها عدة برامج اساسية واخرى ملحقات
نزل الحاجات الأساسية ...
تعريفات Sound - VGA - LAN وفكك من الباقى
ودول باختصار بيقولوا للويندوز نوع كارت الصوت ونوع الفيجا ونوع كارت الانترنت
عشان يشتغلوا بكفاءة عالية وتاخد شوية وظايف زيادة
بعد كدة نخش ع البرامج
أولا برنامج حماية عشان مايدخلش جهازك فيروسات
وأنا شخصيا ارشح لك برنامج مجانى علشان ماتتعبش نفسك بالبحث عن كراك
انا مصري وعارف ان غالبية المصريين مش بيشتروا برامج :)
ممكن تختار من دول
avast free antivirus
يمككنك تحميله ومشاهدة طريقة التثبيت من هنا
AVG antivirus free
وبعد كدة برامج الدخول على الانترنت
Mozilla Firefox
Google Chrome
Opera
طبعا ياهو ماسنجر راحت عليه خلاص محدش بيلمسه :)
هوة وابن عمه msn و hotmail و live
وطبعا عشان تعرف تتفرج على اليوتيوب هتحتاج
Adobe Flash Player IE
Adobe Flash Player (NON-IE) A
وكمان هتحتاج جافا عشان تتصفح بعض المواقع بسهولة
JAVA
ولو بتعمل تحميل لملفات كتير من على الانترنت هتحتاج
Internet Download Manager
وطبعا ماننساش برنامج فك ضغط الملفات وينرار
لأن برامج كتير بتجيبها من الانترنت مضغوطه وبتحتاج تفتحها
WinRAR archiver
وعشان تتفرج على الأفلام وتشوفها مترجمة
هتحتاج برامج لعرض الفيديوهات بالترجمة زي
K-Lite Codec Pack
QQ player
KM player
ومش لازم ريال بلاير الا اذا كنت بتحبه
Real player
وبعد كدة برنامج لتنظيف مخلفات البرامج
وعلى وجه الخصوص متصفحات الانترنت زى
CCleaner
وبعد كدة نخش على الاضافات للمتخصصين حسب الحاجة
مثلا بتنسخ اسطوانات كتير .. هتحتاج
Nero
UltraISO Premium
بتعدل على الصور وتعمل عليها خلفيات واقتصاص
Adobe Photoshop
PhotoFiltre Studio
بتنسخ ملفات كتير وبتخاف النسخ يقف أو تعيد من الأول
TeraCopy
بتنسي مكان ملفاتك وفولدراتك وعايز تبحث عنها وتلاقيها بسرعة
Everything Searsh
بتقرا كتب كتير pdf من على النت هتحتاج برنامج
Adobe Reader
بتكتب ورق ومحتاج تنسقه كويس او cv للطباعة
أو بتعمل كنترول شيت لشغلك الخاص ومحتاج جداول حسابية
أو بتعمل بروشور وعروض تقديمية .. هتحتاج
Microsoft Office Professional
ولو انتا من محبي الألعاب وبتلعب كتير هتحتاج شوية حاجات كدة ورا بعض
Microsoft Visual C++ 2005 Redistributable
Microsoft Visual C++ 2008 Redistributable
Microsoft Visual C++ 2010 Redistributable
وباقى الاصدارات ... وكلهم مساحات صغيرة .. وكمان هتحتاج
DirectX و ..NETFramework
ولو واجهتك مشكلة فى حذف ملف من على جهازك ... اليك العصايا السحرية للحذف
Unlocker
وفى مقال قادم ان شاء الله هكتب تفاصيل لحاجات تانية أكتر
وهنتكلم عن التورنت وبرنامج
µTorrent
لتنزيل ملفات بتقنية التورنت الرائعة
اذكر الله
تعليقات
إرسال تعليق